شباب اولاد سيف

    : بنات اون لاين .... روايه رومنسيه رووووعه و اكثر من رووووعه 17

    Admin
    Admin
    Admin
    Admin

    المساهمات : 191
    تاريخ التسجيل : 18/12/2008
    العمر : 24

    : بنات اون لاين .... روايه رومنسيه رووووعه و اكثر من رووووعه 17 Empty : بنات اون لاين .... روايه رومنسيه رووووعه و اكثر من رووووعه 17

    مُساهمة  Admin في الأربعاء فبراير 04, 2009 4:49 am

    وفي بيت خـآالة فرح ..

    البنات كانوا مبسوطين مع بعض وفرح دخلت لقلوبهم وهيا كمان مره حبتهم وارتاحتلهم .. هما الوحيدين الي قدروا ينسوها حزنها والامها وغيركذا حست انهم قريبين منها مره وتعرفهم من زمان مع انها اول مره تجتمع فيهم كلهم سوى ..

    :: ودحين راح اتكلم شويه عن احساس كل وحده فيهم بهاللحظات ::

    "جـود" ... حست بالأكشن الي دايما تتمناه بحياتها حست بوجود اشخاص طيبين وينوثق فيهم بهالدنيا من بعد وفاة ابوها مابقالها احد غير امها .. لا اخوان ولا حتى عمان يسألو عنها وحتى خالتها الوحيده متقاطعين معاها .. حست انو هالبنات بيكون لهم دور بحياتها ومكانه عزيزه بقلبها وبالذات انو الجمعه معاهم والحوارات الي دارت بينهم صادفت شي في نفسها .. احساس رااائع انو يكون ليكي انسان غالي يفهمك وانتي فاهتمه انسان ممكن تلجأليه وقت ماتحتاجيه ........ ابتسمت بهدوء وهيا تتخيل انوهالأسماء الثلاثه (( نوف _ حلا _ فرح )) بتغير حياتها وبيكونوا لها الاخوات الي انحرمت منهم ..

    "نـوف" ... فقرها خلاها تحسب انو الفلوس هيا السعاده وانو حياتها ضايعه بالعيشه الي هي عايشتها بس اكتشفت دحين انو السعاده ابدا مو بالفلوس ولا بالقصور واللبس والسفرات والطلعات .. السعاده انك تلاقي الصديقات الي يغنوكي عن كل الشي .. لقت في هالبنات الشي الي مالقته حتى في اخواتها .. افكارهم قريبه من افكارها طموحاتهم واحلامهم نفس احلامها مع انها كانت تتخيل انهم بفلوسهم يقدروا يشتروا اي شي بالدنيا ..... الا القلووب ماتنشرى بكنوز الدنيا هما اشتروا قلبها وهيا ا شترت قلوبهم .. وتحس بمجرد انها تجتمع معاهم تنسى كل همومها واحزانها ..((جود )) ضحكتها ومرحها ينسيها الامها والهم الي شايلته على اكتافها .. ((حلا)) بطيبتها ورقتها تحيي قلبها وترجع الأمل فيها .. (( فرح )) بصمودها وغرورها تعطيها امل في الحياه ومقاومة الظروف مهما كانت صعبه .. كل وحده فيهم كان لها تأثيرها الايجابي على نوف ..

    "حـلا" .. حست بالحيويه والروح رجعت نبضت فيها من بعد وفاة اخوها تركي ..حست الدنيا باقي فيها ناس طيبه وتستاهل كل خير .. هذولا البنات هما الي نسوها الوحده الي تعيشها كل يوم حتى بين اهلها .. امها مشغوله بسهراتها وسفراتها .. وابوها منشغل في الشركه والسفر من بلد لثانيه .. محمد مشغول على طول في الشركه مع ابوه وعمانه .. نواف نادرا مايجلس معاها وهوا الي كل حياته دراسه ودحين ماباقي كتير ويسافر يكمل دراسته برى .. الحزن والوحده صاروا اصدق اصدقاء لها في اخر ايامها .. بس من اتعرفت على جود ونوف واخيرا فرح حست انه حياتها بتتغير وبترجعلها الحياه ..

    "فرح" ... كانت تظن ان الغرور والعناد الي فيها بيوصلها للي هي تبغاه ويناولها الي تتمناه .. بس عمرها ماحست بالراحه النفسيه زي ماتحس بهالوقت وهيا مجتمعه مع بنات جمعتها بيهم الاقدار وماكانت بيوم تظن انها راح تعرفهم .. لقيت فيهم الصدر الحنون والقلب الطيب والروح الصافيه الي ماتحمل اي نوع من انواع الحقد والكره .. لقيت فيهم البنات الي بيفهمومها والي قدروا في اقل من ساعه ينسوها كل الي مضى .. ضحكاتهم ابتسامتهم نظراتهم حنيتهم كلامهم كله يرجع الروح فيها .. الحياه ماتوقف عند حدث معين ولا عند شخص محدد الحياه مستمره والي يبغه يعيش يترك كل شي بس يدور عالقلب الي يفهمه ويخاف عليه ..... مثل قلوبهم تماااااام ..

    فرح بهدوء : بنااات ممكن طلب ..
    البنات : اكيييد
    فرح : امم ابغه ارقامكم اذا ماعندكم مانع حابه انو نتواصل وماتكون هادي اخرمره التقي فيها معاكم اذا حابين طبعا اما اذا لاء براحتكم ..
    حلا ابتسمت : لا اكيد خذي رقمي ..
    فرح طلعت جوالها وسجلت رقم حلا .. وطالعت في نوف : وانتي نوف ؟
    نوف : انا ماعندي جوال بس خذي رقم بيتي ..
    فرح : اوكي هاتيه ..
    وبعد ماأخذت الارقام سكرت الجوال ..
    جود طالعت في ساعتها وابتسمت : يلا بنات
    فرح : لاا على فين لسه بدري ..
    جود >> وش فيها ذي نست انه عزى ولا على بالها مسوين بارتي ؟؟ << : من عمرك بس خلاص لازم نروح نجيك وقت ثاني ان شاء الله ..

    طلعوا البنات بعد ماودعوا بعض وكل وحده رجعت لبيتها ..

    ......................

      الوقت/التاريخ الآن هو الخميس أبريل 18, 2019 10:41 pm