شباب اولاد سيف

    : بنات اون لاين .... روايه رومنسيه رووووعه و اكثر من رووووووووعـــــــــــه الجزء الثامن

    Admin
    Admin
    Admin
    Admin

    المساهمات : 191
    تاريخ التسجيل : 18/12/2008
    العمر : 24

    : بنات اون لاين .... روايه رومنسيه رووووعه و اكثر من رووووووووعـــــــــــه  الجزء  الثامن Empty : بنات اون لاين .... روايه رومنسيه رووووعه و اكثر من رووووووووعـــــــــــه الجزء الثامن

    مُساهمة  Admin في الثلاثاء فبراير 03, 2009 8:05 am

    في الريـآض ..
    في بيـت حـلأآآآآ .. في غرفة حـلا بالتحديد ..
    حلا : من جد ..
    جود : ايييه والله مرره فلــه البنت مرره حبيتها ..
    حلا : قلتيلي من بيت مين ؟
    جود : الراسـي ..
    حلا : اهااا ..
    جود : بس مرره على قد حالهم فقاره ..
    حلا : مو مهم انا بصراحه مايهمني المستوى الي هم فيه دام البنت عاجبتني وطيووبه عادي ..
    جود : هههههه من جد صادقه .. تذكرين الجوال الي اشتريته من الفيصليه ذاك اليوم ..
    حلا : ايه وش فيه .؟
    جود : زي وجهه مادري وش فيه يعلق ومو راضي يرسل ..
    حلا : طيب رجعيه روحي هزأيه هذا الي مسوي فيها فاهم ..
    جود : هههههههه وش رايك نروح اليوم ..
    حلا : لا انا ماقدر ..
    جود : ليييش ؟
    حلا : طلعاتي كثرت ذي الايام واذا نواف لاحظ بيسويلي سالفه ..
    جود بخبث : طيب ولو اقنعت نواف بتجين ؟
    حلا : تقنعينه ؟؟؟ كيف ؟
    جود : ههههه ماعليك انا أمر بنفسي واخذك من البيت ومايقدر يقول شي ..
    حلا كانت خايفه مو متعوده تطلع مع بنات بالسياره وهيا ماتعرفهم كثير بس ارتاحت لجود تحس انها بنت ناس وماعندها حركات بطاله : كيف طيب قوليلي ؟
    جود : انتي ماعليك انا بجيك الحين اوكي ..
    حلا بتردد : اوكي انتظرك ..
    جود : يلا باي ..
    حلا : بايات ..
    قفلت منها وراحت غيرت ملابسها لبست بنطلون جينز وتي شيرت عادي ورفعت شعرها المسشور ذيل حصان على فوق ونزلت تجلس بالصاله ..
    نواف : تنتظرين أحد ؟
    حلا : ايه صديقتي بتجيني ..
    نواف عقد حواجبه : صديقتك مين ؟
    حلا : جـود ..
    نواف ابتسم ورجع يطالع التلفزيون ..
    وبعد نص ساعه وصلت جود ..

    حلا : هلا والله اتفضلي ..
    جود : اهلين حلووله ازيك يابت ؟
    حلا : تماام انتي شلونك ؟
    جود : تمامووو ..
    حلا : اتفضلي ..
    جود : يزيد فضلك ..
    حلا بتفكير: امم وش رايك نطلع فوق بدال الرسميات ..
    جود : ههههه براحتك ..
    طلعوا للدور الأول ودخلوا للصاله وإلي كان موجود فيها نواف .. وهذا عز الطلب بالنسبه لجود .. بعكس حلا الي ارتبكت كانت تحسب انو نواف راح لغرفته ..

    جود : السلام عليكم ..
    نواف لمن سمع صوتها عرفها على طول صوتها مميز بنبرته الجذابه والدلع الي فيه .. طالع فيها وابتسم : وعليكم السلام ..
    جود بكل جراءه راحت جلست على وحده من الكنبات : كيفك ؟
    نواف استغرب جرأتها الي هوا مو متعود عليها : بخير ..
    جود تتميلح : كيف صحتك ودراستك ؟
    نواف : الحمد الله انتي وش اخبارك ؟
    جود : تمام ..
    حلا انبسطت انو نواف منحرج من جود واكيد لمن تفتح معاه الموضوع محايرفض ..
    جود : ماشاء الله أي سنه الحين ..
    نواف >> لا هذي ماخذه وجه مره ..<< : ثانيه طب ..
    جود : اووه طب والله والدفره .. تف تف خمسه وخميسه عيني عليك بارده ..
    نواف : هههههه
    جود >> يالبي قلبك على هالضحكه هههههه << : حلووله ..
    حلا : هههه بدري توك تتذكريني ..
    جود بجرأه كالعاده : هههههه لا بس لازم اتطمن على أحوال خطيبي ..
    نواف سمعها وعقد حواجبه باستنكار ..
    حلا تدقها بشويش : خخخخخخ الله يرجك الحين يصدق ..
    جود طالعت في عيون نواف الي كانت معلقه على عيونها الناعسه : نواف ..
    نواف حس قلبه بيطلع وهيا تنطق اسمه على لسانها بدلع ورقه : هلا ..
    جود : هههههه ترى أمزح لا تصدق ههههههه عادي انا متعوده اطيح الميانه مع أي احد ..
    نواف ابتسم بهدوء : طيحيها ماعليك ..
    جود : طيب دام عادي .. ممكن طلب ..
    حلا دق قلبها خايفه يرفض ويفشلها قدام جود صاحبتها الجديده ..
    نواف : آمري ..
    جود تلعب في أظافيرها بدلع : ممكن اطلع مع حلا للسوق ..
    نواف استغرب : ليش ؟
    جود : بس بنتمشى شويه دام حلا : طيب نوووفاا بليز خلينا نطلع ماراح نتأخر ..
    نواف : مع مين بتروحون ؟
    جود : بسيارتي ..
    نواف انحرج منها مو قادر يرفض بس مو مطمن على حلا تروح مع سواق صديقتها ولحالها مهما كان هذي بنت واخته الوحيده ويخاف عليها : طيب وين رايحين ؟
    حلا : الفيصليه ..
    نواف باستنكار : وش عندكم بالفيصليه كل مره طابين على هناك ..
    جود : لاء بس شريت جوال من هناك وطلع زي وجهه بروح أهزأه ..
    نواف : ههههههه
    حلا : يلا نووفا بليز ماراح نتأخر ساعتين بالكثير ..
    جود بسرعه : 3 ساعات ..
    نواف : لاااااا 4 أحسن وش رايكم ..
    جود : يااااي وناسه ههههههه
    نواف ابتسم وسبح في بحر عيونها البنيه الصغيره وروموشها الكثيفه والي كل رمشه ترمشها تنبض دلع وانوثه ..
    جود انحرجت وحست بنظراته : ااا... ا.. خلاص 4 ساعات اتفقنا ..
    نواف هز راسه بالموافقه وهوا مو داري ايش تقول ..
    حلا حست فيه وفلتت ماقدرت تمسك نفسها : ههههههههههههههههههههه
    جود + نواف : وش فيك ..؟
    حلا : هههههههه ولا شي ههههه
    جود تاشر لحلا : يلا قومي قبل يغير رايه ..
    نواف : بتتأخرون ؟
    حلا : لاء ..
    جود تغمز لحلا : الا بنتأخر 4 ساعااااااات ونص ..
    نواف : لا ياشيخه احلفي .. ساعتين اوكي ..
    حلا : طيب ..
    طلعوا من البيت وحلا مستغربه من قدرة جود الرهيبه في اقناع نواف الي راسه ناشف ..
    حلا : هههههههه والله انك رهيبه ..
    جود : قلتلك بيوافق يعني بيوافق (( تكلم السواق )) كومار حرك عالفيصليه ..

    في جـــدهـٍ ..

    الجوال يرن لخامس مره ومحد يرد ومبين انه المتصل مصـر الا وترد عليه صاحبة الجوال ..
    طلعت فرح من الحمام لافه المنشفه على جسمها النحيل ومنشفه صغيره على شعرها ..
    مسكت الجوال بيدينها الناعمه وصغرت عيونها عشان تشوف اسم المتصل ماكانت لابسه عدسات ولا نظاراتها الطبيه ذاك الوقت .. بس الرقم غريب ماعليه اسم ؟؟!؟! ..
    دق للمره السادسه ... ردت بسرعه بتشوف مين هذا المزعج يبغاله تهزيء من جد ..
    ردت بانزعاج : نعم خير ..
    الطرف الثاني : ههههههه اعصابك ياحلوو
    فرح : خير مين معايا ؟
    الطرف الثاني : كيف حالك ياقمـر ؟
    فرح : نعم مين ..
    الطرف الثاني : انا من اشد المعجبين بكي وبقاوية عينك ياآنسه ههههههه
    فرح : ياملحك ياشيخ يلا اقلب وجهك باي ..
    من الجهه التانيه : دقيقه يابنت الفارس اعطيني فرصه اعبر عن اعجابي الشديد ههههه
    فرح استغربت : مين انتا ؟
    الطرف الآخر : انا هههههه انا واحد يحبك موت مووووت مووووووووت ههههههههه ..
    فرح : ههههههههه مره تضحك عارف فيه مسرحيه جديده لعادل امام ايش رايك اروح اخذلك دور فيها ..
    الجهه الثانيه : مابغه لادور ولا طبقه ابغاكي انتي ااااه يابعد قلبي يافرووووحه هههههه
    فرح زاد استغرابها عمرها ماقالت اسمها لاحد بحياتها كلها غير الي يقربولها.. فشكت انه يكون سامي : سامي ؟؟!؟!
    من الجهه الثانيه : عفــوا اسمي رامي وليس سـآمي ..
    فرح باستغراب بين في صوتها : رااامي ..
    رامي يتريق : ايوا التافه إلي في البرنـآمج الاتفه هههههه
    فرح مقهوره منه ومالها خلقه بس لازم تعرف كيف جاب رقمها ومن فين عرف اسمها : من فين جبت رقمي ؟
    رامي : ياعمري أنا لو ابغه بإرادتي اجيبك انتي وأهلك تركعولي ..
    فرح : تخسىىىىى والله ماتطول ظفري وانا فرح الفارس تبغه تحلم خلي احلامك على قدك وتناسب مستواك ..
    رامي : ههههه لا لا ياعمري ماتفقنا على كدا امشي معايا بالطيب اكون أطيب وأطيب بس طول منتي بدا الاسلوب للاسف حتظطريني اسوي شي مايعجبك ..
    فرح : لا يااامامي خفت اقول ليه ماتخلص ايش تبغه ؟؟
    رامي : اااه والله لسه مني متاكد من الي ابغاه بس اول شي ابغاكي انتي ياغلا ايامي وحلاها ههههه
    فرح : هه هه هه لا صرت تشعر ماشاء الله كويس طلعت من ستار اكاديمي بفايده ..
    رامي : اووه اعجبك يابنت حمد ..
    فرح بصدمه : حمممد ؟؟
    رامي رفع حاجبه وقال بخبث : ايوا مو ابوكي حمد هههههه
    فرح مستغربه : ايش دراك من فين عرفت اسمي واسم بابا ..
    رامي يقلد نعومة صوتها وعصبيتها : عيال البابا بخليهم يبوسوا رجلي سامعه ..
    فرح : هههههههههه والله ماتطول تقرب مني ولا من احد فينا احنا عيال حمد الفارس لا بغينا شي جبناه ومن وقف بوجهنا دعسنـآه فاااهم ولا لاء ..
    رامي : هذاك كان زمان ياحلوه اما دحين فصدقيني بتدفعي الثممممممممن غالي والله غالي واسمك الي فرحانه فيه بخليه بالزباله ..
    فرح من بين اسنانها : أعلى مابخيلك اركبه ..

    قفلت في وجهه وراحت تلبس وهيا مو مهتمه ولا هز شعره فيها كلام رامي .. ماتدري انه هالأشكال لازم تحذر منهم ..


    في الريــــآآض ..::

    نوف : لللللللللللللللوووووولوووش والله واعرست هالبقيره ..
    نوره بحياء : نوفووه خلاص ..
    ندى : فديت الي تستحي انا ..
    ام نوره : يلا خلاص تركوها خلوها ترتااح بكرا وراها مشاوير ..
    نوف : يممه متى العرس ؟؟
    ام نوره : بالإجازه إن شاء الله ..
    نجود : والله بتفشلونا يمه وشلون تعرسين لها واحنا مامعنا فلس نشتري كحل حتى ..
    ام نوره : يعني وش تبينا نسوي تبين اختك تعنس ..
    نجود : اووووف والله ماني حاضره عرس نوير الا اذا عطيتوني فلوس اشتريلي فستان سنع ..
    نوره بابتسامه صفره: ماحتاج المهر كله بعطيكم نصه ..
    ام نوره : وش تقولين يانوره هذا المهر حقك انتي وبس تحتاجينه بعدين انا عندي شوية فلوس كنت مخبيتهم ليوم نحتاجها وبطلعها الحين ..
    نوره : لا يمه خليهم ينفعوونك مهري ماشاء الله كثير وماحتاجه ..
    ندى بلقافه : يممه كم مهرها ؟
    نوره : وش هاللقافه ..؟
    نوف : من جد نوير كم مهرك يادبه ماعلمتينا ؟
    نوره بحياء: 40 ألف ..
    نجود ونوره وندى فتحوا فمهم : 40 ألللللللللف ..
    نوره : تفففففففففف تففف عين الحسود فيها عود ..
    نجود : ووجع وساكته بعد اجل هذا مو هين ولد قبايل شكله ..
    ام نوره : اييييه ناس سنعه الله يرزقك زياده يابنيتي وتعيشين سعيده طول عمرك ..
    نوره : الله يخليكي لي ..
    نوف اتربعت بحماس قدام نوره وامها الي كانوا جالسين عالبسطه بالحوش : انزين اسمعي .. ناخذ 12 ألف كل وحده فينا تاخذ 4 آلاف اوكي وامي لها 5 آلاف كم يبقى معك اممم 23 ألف نعمه صححح ..
    ام نوره : لا ياشيخه اقول اتركوا البنت بحالها مهرها محد يمسه ..
    نجود : يووه يمه يعني عاجبك الوضع الي حنا فيه خلي كل وحده تاخذ 1000 عالاقل نشتريلنا شي سنع نلبسه يوم العرس << دحين الي يسمعك يقول انك ميته من الجوع وانتي ليل مع نهار تلهطي فلوس الشباب ومحد داري عنك ..
    نوره : حلالكم والله اتركيهم يمه انا حالفه اذا ربي انعم علي بواحد مثل راشد ماببخل عليكم ..
    نوف تحط يدها على قلبها واليد الثانيه على راسها كأنها بتدووخ : ااه ياقلبي ياراشد الحق علي ..
    نوره رمت عليها المخده بقوه : انطمي ..
    نوف : هو من وين من الغربيه ؟
    نوره : من جده ..
    نوف : اووخص ياحركات بتعيشين بجده ..
    نجود بعدم اهتمام تلوح بيدها : بجده ؟؟ سوو وات ؟ المهم انه ولد فلـووس ..
    ندى : من جد مبين من لبس هله وكلامهم انهم بطــآآآره ..
    نوف باستغراب : بس غريبه يمه ليش خطبوا نوره بالذات اذا عندهم كل هالفلوس ..
    نوره ترفع حاجبها باستنكار : ليه وش فيها نوره مو عاجبتك ولا مو عاجبتك ..
    نوف : ههههه لا والله مو قصدي بس وش عرفهم فينا وحنا مخفوسين بهالحاره الي محد داري عنها ..
    ام نوره ابتسمت من قلب فرحاانه لبنتها : النصيب يابنتي الحمد الله على كل حال ..


    .......................
    Admin
    Admin
    Admin
    Admin

    المساهمات : 191
    تاريخ التسجيل : 18/12/2008
    العمر : 24

    : بنات اون لاين .... روايه رومنسيه رووووعه و اكثر من رووووووووعـــــــــــه  الجزء  الثامن Empty التكمله

    مُساهمة  Admin في الثلاثاء فبراير 03, 2009 8:06 am

    أمـــآ في الفيصليه ..

    حلا : تعالي وين رايحه هنا المحل ..
    جود : يووه حلا تراك عميتيني خلينا نتمشى وش فيك مستعجله ؟
    حلا : لنا ساعتين ندور والله لو تأخرت نواف بيسويلي سالفه مالها اول ولا تالي وتحلمين اطلع معك مره ثانيه ..
    جود : ههههههههه انتي كل شي نواف ونواف ليش تخافين منه بكيفه يزعل ويرجع يرضى بعد كم ساعه ..
    حلا : لا ياعمري انا ماقدر ازعل اخواني على بالي انا زيك كل شي عادي انا اخواني هم كل حياتي لو زعلت واحد فيهم بنحرم من كل شي ماعندي لا خوات وامي مو داريه عني ..
    جود : ليش امك وينها ؟
    حلا بحزن: موجوده بس دايم مشغوله بعزايمها وصديقاتها واعراسها ماأشوفها الا قليل ..
    جود ابتسمت تبغه تخفف عن حلا الي حست من عيونها انها حتبكي : ماعليك كل الحريم كذا بس انتبهي لا تطلعين مثلهم ترى انا ماأحب الدشره ههههه
    حلا : ههههههههه اييييه واضح ..
    جود : هههههه يلا قبل يقفل المحل ..
    حلا : ليش يقفل ؟
    جود : صلاة العشاء يانايمه ..
    حلا : اهااا ايه صح هههههه
    دخلوا لإكسيوم تلكوم ..
    وجود تدور بعيونها على مشعل الي باعها الجوال وحط مميزات الدنيا فيه ..
    حلا لمحته واقف مع وحده ويوريها جوال ويشرحلها : شوفيه مو هو هذاك الي مسوي سبايكي ..
    جود : ايه والله تعالي امشي خليني اهزأه ..
    جود قربت من عنده : لو سمحت ..
    مشعل لف عليها : دقيقه اختي ..
    جود نفسها في مضاربه "هوشه " : لا مافيه دقيقه بسرعه انا مستعجله ..
    مشعل استأذن من الحرمه الي كان يكلمها ولف على جود : هلا اختي امري ..
    جود تقلد صوته : هلا اختي امري ..
    مشعل مستغرب : ههههههه اشبك سلامات ..
    جود :لااااا لك وجه بعد ..(( مدتله الجوال البينك حقها )) خذ يافهيم شوف ..
    مشعل اخذ منها الجوال باستغراب : ايش فيه ايش المشكله ؟
    جود : المشكله انك ماتعرف تبيع وتضحك على راسي وتسويلي فاهم وهذا الجوال فيه وفيه وفي الآخر طلع زي وجهك المعوق ..
    حلا مستغربه مرره ماله داعي هالهوشه مافيه شي يستاهل بس شكلها هذي وحده من هوايات جود : جوجو وش فيك هو ماله شغل الجهاز طلع مو زين وش دخل الرجال تهاوشينه ..
    جود : لاء هو الي نشبلي الا واشتريه ..
    مشعل بجديه : اختي في ايش حابه اساعدك ؟
    جود : خذ الجوال شوف وش مشكلته مو راضي يرسل ويعلق وانا مالي اسبوعين مشتريته من هنا ..
    مشعل افتكر جود وافتكر ذاك اليوم الي هبل فيها >> خخخخخ وربي تعرفي ترفعي الضغط بس انا اوريكي زي ماسويت فيكي ذيك المره وخليتك تشتريه وربي لا اخليك تحرمي تشتري جوال بعد اليوم هههه << قال بصوت ناعم يقلد حلا : اقوول جوجو ..
    جود بصدمه مصطنعه : نعععععععم ؟؟
    مشعل يفتح الجوال ويلعب فيه : اووه اسف قصدي ياأختي ..
    جود فيها ضحكه بس ماسكتها : وش فيه الجوال هااا ليش صاير كذا ؟
    مشعل يوريها شاشة الجوال بخبث : مين هذي الحلوه شكلها مرره أمووره ..
    جود سحبت منه الجوال بقووه : صدق انك ماتستحي محد سمحلك تقز في الصور ..
    مشعل بعدم اهتمام : انتي حاطتها خلفيه واعطيتيني الجوال يعني ايش تبغيني اسوي اغمض عيوني هههههه وربي هبله ..
    جود : هبله ؟؟؟ انا الهبله ؟؟؟
    حلا ارتجفت ودموعها تجمعت بعينها لمن شافته ..؟؟؟ شافت الي ملك كيانها من اول نظره ؟؟ غطت وجهها بسرعه ولفت عالجهه الثانيه ..
    جود حست فيها : حلووله وش فيك ؟
    حلا تاشر باصابعها الطويل والرقيق على فيصل الي كان واقف يتفرج عالجوالات مع واحد من اصحابه : شوووفي ؟
    جود طالعت فيه ورجعت لفت على حلا : هههههه شكله عجبك ..
    حلا : لا ياغبيه هذا ولد عمي ..
    جود ماستوعبت رجعت تطالع في فيصل : هذا ولد عمك يالخايسه ؟؟
    حلا : ايييه ..
    جود تحط يدها على قلبها : ااااه وش زينه يشبه اخوك نواااف ..
    وطبعا مشعل معاهم عالخط قرب منهم : هذا فيصل العبد الرحمن هههههه مايشتري جوالاته الا من هنا ..ماشاء الله طلعتي بنت عمه والنعم والله ..
    حلا حست قلبها وصل لحلقها خافت من مشعل لا يروح يقول لفيصل شي : جــ... جوجو خلينا نطلع بسرعه ..
    جود : وش فيك خايفه كذا ولو صار ولد عمك خير ياطير ..
    حلا تسحبها من عبايتها : خايفه هذا البايخ يروح يقله شي مانتي شايفته يتميلح من اول ..
    جود : تعالي ماعليكي منه ..
    حلا سابتها وطلعت من المحل ..
    جود : ههههههه الله يرجك ياشيخه ..
    جود طالعت في مشعل لقيته طنشهم وراح لعند فيصل : لو سمححححححت ..
    مشعل ابتسم : خلصتوا هرج ..
    جود : هههه مره دمك موويه وين جوالي ؟؟
    مشعل : اديتك هوا ..
    جود باستغراب : لا تستهبل وينه بسرعه ماني فاضيه ..
    مشعل : اشبك انتي اقلك اديتك اياه مين اخدو مني يعني ..
    جود بخوف : من جد وينه ؟؟
    مشعل : مادري عنك شوفي فين حطيتيه ايش دراني انا ..
    جود صارت تدور بالمحل ومرره خايفه الجوال فيه كل صورها وصور صاحباتها يعني لو طاح في يد واحد نذل بيخليهم سيرة على كل لسان ..
    ومشعل كاتم ضحكته بالقوه ..
    جود عصبت : ووووين جوالي اقووول ..
    كل الي في المحل التفتولها ومستغربين ايش الي بيصير ..
    مشعل خاف عليها شكلها من جد خايفه بس حب يكمل استهبال : ايش يدريني انا والله حاله ..
    جود : والله اذا ماطلعت الجوال الحين ماتلوم الا نفسك ..
    جاه فيصل من بعيد : خير مشعل وش صاير ..
    مشعل باستهتار : هههههههه مادري عنها مضيعه جوالها وتبكي ..
    جود اتنرفزت كمان يتريق عليها قال تبكي قال .. مشيت وراحت لعند الكاشير وفتحت الأدراج بكل جراءه : لو ماطلع الجوال الحين مأأكون بنت ابوي ..
    فتحت آخر درج ولقيته فتحت الجوال تتأكد اذا هو ولا لاء نفس الخلفيه وقفت وشافت نظرات الزباين كلها موجهه عليها باستغراب وتساؤل أما مشعل فكان فاطس ضحك عليها هيا اتنرفزت حست انها تبغه تخنقه .. اخذت الجوال وطلعت من المحل ودمها فــآآآآير ..

    راح يلحق وراها : لو سمحتي ..
    جود لفت عليه : نعم ..
    مشعل مرتبك :والله سوري ترى مو قصدي كنت حرجعلك اياه ..
    جود : ههههه لااا احلف ..
    مشعل : والله من جد لا تشيلي في قلبك ههههه ماقلتيلي اشبو جوالك ؟
    جود : امم والله جوالي يشتكي من بياخة بعض الناس وقطتهم لفيسهم عندي ..
    مشعل رفع حاجبه : مره ماكله مقلب في نفسك يلا بس روحي شوفي صاحبتك بنت العبد الرحمن لا تسيبيها لوحدها كثير ..
    جود طالعت فيه بقهر ومشيت عنه ..

    .....................
    Admin
    Admin
    Admin
    Admin

    المساهمات : 191
    تاريخ التسجيل : 18/12/2008
    العمر : 24

    : بنات اون لاين .... روايه رومنسيه رووووعه و اكثر من رووووووووعـــــــــــه  الجزء  الثامن Empty التكمله

    مُساهمة  Admin في الثلاثاء فبراير 03, 2009 8:08 am

    أمــآإأ في بيـت أم نوٍرهـٍ ..
    نوف : يلا ندوووش اخرتيني ترى ..
    ندى تطلع من الغرفه بعبايتها : طيب وش فيك طايره توني خلصت صلاتي ..
    نوف : يلا تصلين التراويح انتي لسه رمضان بدرى عليه ..
    ندى :خلاص طيب يلا اطلعي رجيتنا ترى ..
    طلعوا من البيت واخذوا تاكسي وعالفيصليه ..
    ندى : احد يروح الفيصليه يشتري فستان ..
    نوف : من وين تبينا نشتري من ديـور مثلا .. وبعدين مين قلك اني رايحه اشتري فستان انا رايحه اشتري شوية مكياج واكسسوارات ياهبله ..
    ندى : اها قولي كذا طيب والفساتين من وين بنشتريهم ؟
    نوف : لا جاه وقتها يحلها حلال ..
    وصلوا للفيصليه ونزلوا من سيارة التاكسي ..
    وبدأوا يتسوقوا .. مين قدهم دحين معاهم ألف وخمسمية ريال << اكيد بالنسبه لهم شي ..

    وفي آخـر دور " المطـآعم " ..

    نوف : ااااه يابطني من زمـآن ماأكلت قد كذا الحمد الله والشكر ..
    ندى : الله يديمها نعمه ويحفظها من الزوال ان شاء الله ..
    نوف : امين يارب ..
    وشويه تلمح نوف وجـه وحـده مو غريب عليـها ..
    ندى : وش فيك مين تناظرين ؟
    نوف : ندووش شوفي هذيك الي هناك مو كأنها جود بنت صديقة أم علي ؟
    ندى تعقد حواجبها وتصغر عيونها عشان تتأكد من ملامح البنت : الا والله هي ..
    نوف : ومين الي معاها ؟
    ندى : وش السؤال الغبي هذا وش يدريني انا..
    نوف وقفت : تعالي بسلم عليهم ..
    ندى : لا لا روحي انتي ..
    نوف :احسسن ..
    راحت نوف للطاوله الي كانوا جالسين عليها حلا وجود : السلام عليكم ..
    جود لمن شافتها افتكرتها عـ طول : وعليكم السلام اهليييين ..
    وقفت تسلم عليها : كيفك وش اخبارك ؟
    نوف : الحمد الله انتي شلونك ؟
    جود : بخير ..
    جود تعرفهم على بعض : حلووله هذي نوف الي كلمتك عنها .. نوف هذي صديقتي حلا ..
    نوف تسلم على حلا : كيفك ؟
    حلا : بخير الحمد الله ..
    جود : اتفضلي ليش واقفه ..
    جلست نوف معاهم وسحبت على أختها ندى ..
    جود : كيفك كيف خالتي أم نوره واخواتك وش اخبارهم ؟
    نوف : كلهم بخير والله ..
    جود : جايه لحالك ؟
    نوف : لاء معي اختي ندووش الهبله ..
    حلا : طيب وينها خليها تجي تجلس معنا ..؟
    نوف : هههه شوفيها هناك تاكل ماهي حولنا ..
    حلا : ههههه بالعافيه والله ..
    نوف : الله يعافيك هههه ..
    وجلســوا سوى لحد مـآقفل السـوق وكرشـووهم على برىـآ ههههه ...

    رجعت كل وحده لبيتها وهيا مبسووطه من هالصداقه الجديده الي دخلت لحيـآتها ..

    في بيـت أم نـوره ..
    نوف : كيف يعني مارجعت لحد الحين ؟؟ يمه الساعه بتصير 2 ..
    ام نوره تتنهد بحسره : وش اسويلها يعني اختك وتعرفينها مو شي جديد عليها كل يوم نفس السالفه ..
    نوف : لااااا نجوودوه هذي يبيلها تأديب من جديد والله مصختها بزيـآده ..
    ندى : ياما قلتلكم الدلع مابيفيدها وكل ماقلنالكم كلمه آخر العنقود واخر العنقود هذي اخرة السكر المعقود حقكم يلا عن اذنكم بروح انام ..
    ام نوره بتعب : نومة العافيه حبيبتي ..

    وعلى هالكلام دخلت الآآإأنســه نجــود وهيا تدندن بروقـآآن ..
    نجـود : القلب سلملك أمـره في حـآلتي إنتـا ادرى يلي حنـآنك وطيبك تنحـط عـ الجـرح يبرى ـآ ..
    نوف : لااااا عاشت الأصوات والله اهـــلأا وسهـــلأأ نورتي بيتك يامــس نجــ,,ـود..
    نجود بعدم اهتمام تفصخ عبايتها وفمها شغال يعلك : حنـون ربي يصـونك في طيبتك في عيـونك دنيـآآك حبي وكـونك ياطيب عمـري ويـآعطركـ ..
    نوف قربت منها وشدتها من شعرها بقوه : اسمعيني وربي آخر مره اشوفك راجعه للبيت هالوقت صدقيني لو سمعت مره ثانيه انه الساعه صارت 11 وانتي برى البيت مابتلومين الا نفسك ..
    نجود تصرخ وتحاول تفك يد نوف الي قابضه على شعرها بقوه وبقساوه : اتركيني مالك شغل فيني ارجع وقت ماارجع ااااه يممه الحقيني اتركيني ياحماره ااااي يوووجع ..
    نوف سابتها بقوه وصارت تكلمها بعصبيه ووجهها احمر من الغضب : اسمعيني يازفته وربي لو ماتبطلي الدشره الي انتي فيها لا اكون ذابحتك بيدي جبتيلنا المرض خلاص سمعتنا صارت على لسان الي يسوى والي مايسوى وكله بسبتك انقللللعي مابي اشوف وجهك للصبح ..
    نجود اخذت شنطتها وعبايتها ودخلت للغرفه معصبه وزعلانه رمت نفسها عالسرير ونامت بدون ماتاخذ كلام نوف بجديه ..
    ام نوره : ليش تعاملينها كذا يايمه حـرام عليك مهما كان نجود صغيره ولسه ماتعرف مصلحتها خفي عليها شوي ..
    نوف : يمممه كل مره تقولين نفس الكلام الين وصلت للحاله الي هي فيها الحين كثر الدلع خلاها ماتسمع كلمة احد ولا تعبر لا كبير ولا صغير

      الوقت/التاريخ الآن هو الخميس أبريل 18, 2019 10:24 pm