شباب اولاد سيف

    : بنات اون لاين .... روايه رومنسيه رووووعه و اكثر من رووووووووعـــــــــــه الجزء الخامش

    Admin
    Admin
    Admin
    Admin

    المساهمات : 191
    تاريخ التسجيل : 18/12/2008
    العمر : 24

    : بنات اون لاين .... روايه رومنسيه رووووعه و اكثر من رووووووووعـــــــــــه  الجزء  الخامش Empty : بنات اون لاين .... روايه رومنسيه رووووعه و اكثر من رووووووووعـــــــــــه الجزء الخامش

    مُساهمة  Admin في الثلاثاء فبراير 03, 2009 7:56 am

    في الريـآآآض ..
    في أحد أحياء الرياض الفقيره في بيت ام نوره الاقل من المتواضع ..
    نوف مشمره أكمامها وقاعده عالارض تعجن ووجهها كلو دقيق وشعرها صاير ابيض وحالتها حاله ..
    نجود جالسه تتفرج عليها وتتشمت : ههههههههه وربي شكلك نكتتتته ..
    نوف متحمسه تعجن وتخلط ...
    نجود : وش فيه شعرك كذا ياجدتي وربي شيبوك قبل عمرك ..
    نوف : ضفي وجهك خليني اركز ..
    نجود : طيب يانيوتن ..
    دق تلفون البيت ..
    نطت نجود والي كانت منتظره مكالمه .. ردت بدلع : هلووو
    من الجهه التانيه : الوو
    نجود : مين معي ؟
    الطرف الآخر : انتي نجوود ؟؟
    نجود بصوت واطي اقرب للهمس : ايييه هلا فاارس ..
    فارس : ياهلا وغلا بهالصوت وهالهمس ..
    نجود : اترك عنك الكلام الفاضي الحين قولي متى بتجي ؟
    فارس : بعد ساعه بالضبط تكونين جاهزه بوقف في اول الحي
    نجود : انزين وش سيارتك ؟
    فارس : همر ..
    نجود بخبث : اوكي ياراعي الهمر لا تتأخر
    فارس : من عيوني ياعيوني يلا باي ..
    نجود قفلت وهي مبسووطه اكيد مدام معاه همر بيدفع اضعاف الي يندفعلها دايما >> هذا يوم حظك يانجود استغليه زييييين هههه << ..
    نوره : مين كنتي تحاكين ؟
    نجود : وش دخلك ؟
    نوره: اقول لا تطولينها وهي قصيره سالتك سؤال ردي ..
    نجود وقفت وطالعت فيها بغرور : خصوصياتي لو سمحتي لا تتدخلين فيها وبعدين غيري هالزباله الي لابستها ..
    نوره : والله مالزباله غير الي في راسك هذا ..
    نوف : اهــــــــئ اهئ خربت ..
    نوره : ههههههههه تستاهلين ..
    نوف تاخذ دقيق بيدها وتكبه بوجه نوره : ياحماره توني مستلمه الوظيفه ودك يفصلووني يعني ..
    نوره : كح كحححح الله ياخذك كححح وبعدين الي يسمعك يقول موظفه بشركه ولا ببنك أي وظيفه والي يعافيك ..
    نوف : مو شغلك يلا عن اذنك بروح احطهم بالفرن ..

    بعد ساعه بالضبط ..
    نجود كانت لابسه وكااشخه على الرغم من بساطة لبسها الا انها كانت فااتنه بمعنى الكلمه ..
    ام نوره : على وين ان شاء الله ؟
    نجود : بطلع مع صديقاتي فيها شي ..
    ام نوره : ايه فيها ..؟ انتي ماعندك ام تستأذنين منها قبل تطلعين وعلى بالك الشغله كذا فالته ..
    نجود طنشت امها وطلعت من البيت ..
    ام نوره تتنهد :الله يهديك يابنيتي ..
    ندى : يممه ترى انتم حيل ساكتينلها طلعاتها كثرت ومحد يسألها لا وين رايحه ولا من وين راجعه
    ام نوره : وش نسوي يعني هذا انتي شفتي بعينك كل مره تسفهني كذا وتطلع ..
    ندى : يمه مو بكيفها انتي لازم تفرضين كلامك هنا غصب عنها ..
    ام نوره : الله يهديها ان شاء الله
    Admin
    Admin
    Admin
    Admin

    المساهمات : 191
    تاريخ التسجيل : 18/12/2008
    العمر : 24

    : بنات اون لاين .... روايه رومنسيه رووووعه و اكثر من رووووووووعـــــــــــه  الجزء  الخامش Empty التكمله

    مُساهمة  Admin في الثلاثاء فبراير 03, 2009 7:57 am

    وفي بيـت حلا ..
    البيت هاادئ كالعاده محمد بالشركه ونواف يذاكر وحلا ياإما عالشات او تتفرج تلفزيون وأبوها مسافر وأمها طبعا طالعه ماتجلس بالبيت ..
    نواف : اقوول حلاا
    حلا : هلا
    نواف : صديقتك إلي قبل امس طلعتي معها ؟؟
    حلا : ايه وش فيها ؟
    نواف : شكلها اصغر منك صح ؟
    حلا : ليش شايفني عجووز ؟
    نواف : ههههه لا والله مو قصدي بس مبين انها صغيره ؟
    حلا : ايه عمرها 18 ..
    نواف : اهاا ومن وين تعرفيها انتي ؟
    حلا ارتبكت : ا...هـ.... ااا ..أخت صديقتي ..
    نواف : اهاااااا ..
    حلا : بس ليش تسأل ؟
    نواف : لاء بس استفسر ..
    حلا : طيب يابو الاستفسارات انت ..
    دخل عليهم محمد : السلام عليكم ..
    نواف و حلا : وعليكم السلام ..
    حلا تطالع في شنطة الملابس الي شايلها محمد ومستغربه : مسافر ؟؟
    محمد يتنهد : اييييه ؟؟
    نواف : وين عسى ماشر ؟
    محمد : لاء بس ولد خالة صديقي مشعل اتوفى وبطلع معاه لجده ..
    نواف : الله يرحمه ومتى راجع ..
    محمد : بعد كم يوم اخذت اجازة ووصيت فيصل عالشركه وبعدين عمي مو مقصر ..
    نواف : رايح الحين ؟
    محمد : ايه يلا مع السلامه ..
    نواف : تروح وترجع بالسلامه يالغالي ..
    محمد : الله يسلمك ..
    وحلا من سمعت اسم فيصل سرحت بافكارها وبمشاعرها الي بدأت تكون احساس غريب من يوم ماشافت ولد عمها ..
    أما محمد فمر على بيت مشعل واخذه من هناك وراحوا للمطار ..
    محمد : الله يرحمه ويسكن روحه الجنه ..
    مشعل : امين يارب بس والله مايستاهل الغالي ..
    محمد : طيب وانت ماعرفت وش السبب الي خلاه يذبح ولد عمه..
    مشعل : لا والله مادري عن شي اصلا مادريت بالخبر الا اليوم محد جبلي سيره ..
    محمد : الله يكون بعونكم ان شاء الله ..
    مشعل : الله يسهل ..

    في بيـت جود الجو كان من نووع آخر ..
    جود عالماسنجر ورافعه صوت الاغاني رااجه البيت ..
    كانت تكلم واحد اتعرفت عليه من الشات صارلها 3 شهور تعرفه واليوم اعطته ايميلها ..
    جود : هههه اقول ماسنجر ويخب عليك لا تفكر بشي اكبر من كذا ..
    رابح : اييييه ان شاء الله صدقيني بيجي اليوم الي تطلبين فيه انتي بنفسك تشوفيني
    جود : ليش تبيني اموت بسكته قلبيه ..
    رابح : بسم الله عليك يابعد قلبي ..
    جود : اقول لا تكثر بياختك عشان لا أهفك ببلوك يلصقك بالجدار سامع ..
    رابح : لا لا الا البلوك مابغيناه ..
    جود : خلاص اجل حط لسانك بفمك وقفل عليه ..
    رابح : من عيوني يالغلا ..
    جود : برب ..
    رابح : تيت ولا تطولين علي اتعذب في بعدك ياعيوني ..
    قامت من عالكمبيوتر وواصله حدها من سخافة رابح .. وماتدري انه هالاشكال الي زي رابح تقدر بضغطة زر تخترق كاميرتها ..
    رفعت الصوت زياده على اغنية " سواها قلبي " لأصاله نصري وترقص عليها بحمااس ..
    دخلت عليها امها : قصري عالصوت يامال الجرب ..
    جود: اووف يمه ليش تدعين علي وش تبين ؟
    ام جود : غيري ثيابك ام علي جايتنا ..
    جود : يمه ومن متى حنا نستحي من ام علي كله قاطة وجهها عندنا ..
    ام جود : بس هالمره معها جارتها ام نوره ..
    جود : يووه يمه وانتي من وين تلمين هالفقاره كانه ناقصين ..
    ام جود : اقول لا يكثر هرجك وبدلي ثيابك وانزلي ..
    جود : طيب خلاص ان شاء الله حاااااضر ..
    ام جود : انتظرك لا تأخرين ..
    جود : الحين الي يسمع يقول من هالعرسان الي صافين طوابير عند الباب ..
    ام جود : مو انتي لو تتسنعين وتتعدلين كان العرسان من اول الحي لآخره
    جود تهز وسطها عالاغنيه بدلع : ليش وش فيني انا والله اني اخبببل ..
    ام جود : تخبلين ماقلنا شي بس شوفي تصرفاتك شلون البزارين مايسوونها ترقصين ولا كأنه احد هامك مستهتره في كل شي ..
    جود : يمممه ابي اعيش حياتي وش فيك ؟
    ام جود : خلاص طيب اتفاهم معك بعدين الحين خلصينا وانزلي ..
    جود بتافف : حاضر من عيوني ..
    دفت امها برى الغرفه وقفلت الباب : هههه سوووري
    ام جود : محد مطلع روحي بهالدنيا غيرك ..
    جود تصرخ من ورى الباب : بسم الله عليييييك ياأحلى ام بالدنيا ..
    ام جود تعوج بفمها يمين ويسار : عشتووووا ..

      الوقت/التاريخ الآن هو الخميس أبريل 18, 2019 10:56 pm