شباب اولاد سيف

    : بنات اون لاين .... روايه رومنسيه رووووعه و اكثر من رووووعه 18

    Admin
    Admin
    Admin
    Admin

    المساهمات : 191
    تاريخ التسجيل : 18/12/2008
    العمر : 24

    : بنات اون لاين .... روايه رومنسيه رووووعه و اكثر من رووووعه 18 Empty : بنات اون لاين .... روايه رومنسيه رووووعه و اكثر من رووووعه 18

    مُساهمة  Admin في الأربعاء فبراير 04, 2009 4:51 am

    اما جود فكانت واقفه قدام المرايا تتزبـط وترتب شكلها .. طقت في راسها تتشخص اليوم وتنزل تفطر وهي اخر شيااكه .. وتغني بصووت مسمووع ودافي : إنتـآ تأثيرك على قلبي قوي ..وإنكتبلي من هدب عيـنك هـلاااك .. فوق عرش القلــ ..........
    قاطعها صوت جوالها بنغمته العاليه والمزعجه للارقام الغريبه .. استغربت بس ردت بهدوء : الوو
    نواف لمن سمع صوتها غمض عيونه بقوه ورجع فتحها وقال بصوت جامد : جوود
    جود فز قلبها على الصوت مستحيل ماتعرفه اوحتى تغلط فيه بس لازم حركات النص كم والتمثيل : مين ؟
    نواف باستهزاء : ههههه ماعرفتيني يا فالحه ولا من كثرهم ماشاء الله ..
    جود اتفاجأت اول مره تسمع نواف يتكلم كذا كانت حتتكلم بس ...............
    نواف قاطعها : اسمعي يابنت الناس انا نواف اخو حلا .. انا متصل عليكي ابيك تبعدين عن حلا وتتركيها بحالها مو كفايه الي جانا من ورى راسك .. تبين تخربين اخربي لحالك اما لا تخربين بنات الناس معاك ..
    جود مصدومه .............
    نواف : مابيك تقولين شي ولاني محتاج اسمع كلمه منك واعتبري هذا تحذير مني يلا مع السسلامه ..
    قفل الخط وسابها مصدومه ومتفاجأه .. >> لا اكيييد انجن نوااف وش فيه وليه يبيني ابعد عن حلا وش الي صاير ؟؟؟؟؟؟؟؟؟؟ لازم اعرف مستحيل يقولي كذا ويظلمني وانا مو مسويه شي << ..

    .......................

    في جـــدهـ ..

    في بيـت أبو سـآلم (( عــم فرح )) ..
    في الصـآله ..
    مها : بااااابا يلا عاااد بلييييز
    ابو ساالم : ايش تبغي فيها ياينتي مني شايف عندك داك الشي المهم يعني ؟
    مها : بابا كلها الفين ماطلبت شي
    ام سالم حاطه رجل ع رجل و تشرب من فنجان القهوه الي قدامها وهي تتفرج عالتلفزيون باهتمام : ابو ساالم ادي البنت ماطلبت شي هادي دلووعتنا
    مها : ههههه شاايف يابابا يلا اديني بليييز
    ابو سالم يتنهد : خلاص خلاص روحي خدي من جيبي واذا ماكفاكي احولك لانو مامعايا دحين ..
    مها تبوسه على راسه : يسسسلممو ياحلى ابو سااالم بالدنيا ..
    سامي كان داخل للصاله لكن سكت ووقف مكانه لمن سمع هالكلمه منها .. سمع الاسم الي اشتاق لذكره بهالبيت اشتاق للانسان الي كان توام روحه اشتاق لاخوه سالم اشتاق لحسه بهالبيت الي راح منه وتركهم بقلوب محطمه وارواح مكسوره ..
    نزل راسه بضعف : السلام عليكم
    الكل : وعليكم السلام
    ام سالم : هلا حبيبي تعال فينك ليك كم يوم ماتنشاف
    سامي سلم على راس ابوه و امه وجلس جنبها : والله مشغول في الشركه انتي كيفك ياامي ؟
    ام سالم : الحمد الله عايشين انتا ايش اخبارك حبيبي وحشتنا ياهووه ولا كأنو ليك ام تسأل عنها ولا تشتاق لها ؟
    سامي : والله ياامي انكم في قلبي وعيني بس والله حايس مع الشركه راسي برجولي ..
    ام سالم : الله يعينك حبيبي (( وجهت الكلام لابو سالم )) وانتا يابو سالم خف عالولد شويه احنا حتى مو لاحقين نشوفو ..
    ابو سالم :سيبيكي منو دلع بس خليه يشد حيلو هذا ولدي وحيدي الي اشد فيه الظهر (( دمعت عيونه وهو يقول هالكلام .. بعد ماكان سالم كبيره وسنده راح ومابقاله بهالدنيا الا ولده سامي ))
    سامي : هههه والنعم فيني
    ام سالم قرصته في خده : الله لا يحرمني منك ..
    سامي باس يدها : ولا منك ان شاء الله ..

    مها راحت تجري لغرفة ابوها وفتشت بجيوبه الين حصلت 3 الاف موجوده باهمال بين اوراق البنك والبطاقات اخذتها وراحت تجري لغرفتها ..
    مها تطالع في الفلوس الي في يدها بمتعه : واخيرا بعيش زي الناس وبنسى كل شي ورايا ..
    دق جوالها وردت بسرررعه : هلااا شذوويه حبيبتي
    شذى : صبااح الخير ياعسسسل
    مها : صبااح السكر كيفك ؟
    شذى : تماام انتي اخبارك ؟
    مها : عااال العااال خلاص جبت المبلغ وزيااده ..
    شذى بفرحه : من جد ؟؟
    مها : يسس
    شذى : يااااي يعني حتنبسطي زينا خلاص اجل لا تتأخري بكرا الساعه 7 الليل نستناكي اوكي
    مها : اوكي ياعيوني انتي
    شذى : هههه باي حبيبتي
    مها : بااايات ..

    .................
    Admin
    Admin
    Admin
    Admin

    المساهمات : 191
    تاريخ التسجيل : 18/12/2008
    العمر : 24

    : بنات اون لاين .... روايه رومنسيه رووووعه و اكثر من رووووعه 18 Empty التكمله

    مُساهمة  Admin في الأربعاء فبراير 04, 2009 4:52 am

    في الريــآض ..
    فجـر : هاه حبيبتي ايش عامله ؟
    فدوه : الحمد الله طيبه بس والله يافجر امس ماعرف سار معايا شي غريب ..
    فجر : ايش فيكي حبيبتي قولي ؟
    فدوه : مافيا شي بس فجأه حسيت اني داايخه وتعباانه ومادري ايش سار بعدها ولمن صحيت حسيت جسمي مكسر وكاني كنت بحارب طول الليل كدا ومااعرف ..
    فجر : معليه حبيبتي اكيد هادا مع الارهاق والدراسه والاختبارات ..
    فدوه : على قوولك المهم قوليلي كيفكم انتو مره وحشتووني
    فجر : والله انتي اكثر حبيبتي انتبهي لدراستك ولا تلتهي في شي غير كدا
    فدوه : اكيد ان شاء الله
    فجر : يلا حبيبتي انا بنزل دحين لماما اشوف ايش مسوين اكلمك بعدين
    فدوه : اوكي
    فجر : دقي عليا كدا بعد المغرب طمنيني عليكي ولا تخرجي من البيت وسكري البيبان كويس واصحك تكلمي السواق ولا تروحي مكان ولا ترسليه يجيبلك شي اوكي لا تفتحي الباب لأحد ..
    فدوه : ههه اوكي لا تشيلي هم ..باي
    فجر : الله معاكي ..
    نزلت للصاله تحت كانت امها جالسه تقرأ قرآن ومعاها ملاك الي صارت زي الميته هالايام ماتتكلم ولا تسمع ولا تشوف ولا حتى تحس ..
    فرح طلعت من المطبخ : يلا تعالو اتغدوا ..
    فجر ابتسمت لاختها : ماشاء الله فرووحه مسويتلنا الغداء اليوم ..
    فرح : هههه ايوا يلا لا تكسروا بخاطري امشوا اتغدوا
    فجر وقفت : يلا ماما
    ام فايز تطالع في ملاك بحزن : لا حبيبتي روحوا اتغدوا انتو انا بقعد مع ملاك هنا ..
    فرح طالعت في فجر باسف وهزت راسها : خلاص براحتكم ..
    طلعوا للمطبخ بعد مانادو فاتنه ومي ومشعل الي قاعد على لحم بطنه من 3 ايام بالعافيه قدر يتحرك من مكانه بس عالاقل يحط لقمه بفمه عشان لا يموت من الجوع ..

    وعلى طاولة الغداء ..
    فرح : مشعل هات صحنك اغرفلك ايش بتاكل انتا ؟
    مشعل طالع فيها بحزن : خلاص ارتاحي مابغه شي
    فاتنه : مشعل مايصير والله حتمووت من الجوع شوف شكلك كيف ؟
    مشعل :ههههه طيب واموت مو احسن لي برضو
    فجر : استتغفر ربك مشعل ايش دا الكلام هادا الي كاتبو ربي ولازم يصير ..
    مشعل تنهد ........
    مي : فين فيييييييييراااس ؟
    فرح : فراس نايم مو راضي يقوم ههه اطلعي صحيه انتي اهلكيه
    مي : ايوا اصلا هوا يحبني ازا قلتلو قوم حيقوم صح يامشعل ؟
    مشعل ابتسملها بالقوه : صح ياقلبي ..
    مي قامت من الكرسي بفرحه وطلعت لغرفة فراس تصحيه ..
    فرح ابتسمت : الله لا يحرمني منها يارب
    مشعل وقف : الحمد الله
    فرح : اقعد بلا هبل مااكلت شي
    مشعل : والله الحمد الله تسسلم يدك يارب

    .....................

    جـود غيرت ملابسها بسررعه واخذت شنطتها وجوالها وخرجت من البيت مستعجله .. >> انا لازم افهم ايش الي صاير <<

    وبعد ربع ساعه .. وقفت قدام الفله الكبيره او القصر الفخم .. ونزلت بهدووء وهيا تاخذ نفس وترتب الكلام الي بتقولو في بالها ..
    دقت الباب وفتحتلها الشغاله : حلا موجوده؟
    الشغاله : يس ماما اب ستيرز ..
    جود ابتسمت : اوكي ثاانكس ..
    طلعت بسررعه لفوق وقلبها يسبقها مرتبكه مو عارفه ايش الي صاير وايش المشكله وليه نواف قال الي قاله ..
    مرت من جنب غرفة حلا كانت حتدخل بس سبق لسمعها صوت بكى وشهقاات حلا .. دخلت بسرعه بدون ماتدق الباب ..
    حلا لمن شافتها وقفت وارتمت في حضنها بسررعه : جـ..ـود الحقي علي ياجوود
    جود جلست معاها عالسرير وقالت بخوف : وش فيك حلا قولي ايش صاير ؟
    حلا من بين دموعها : نـ..ـواف
    جود : و.. وش فيه نواف ؟
    حلا تبكي : ............
    جود تمسح على شعرها : خلاص اششش اهدي شوي لا تقولين شي الحين اهدي خلاااااص اوووش ..
    حلا راميه نفسها على صدر جود وتاركه لدموعها الحريه انها تنزل وتاخذ مجراها لخدها ..
    انفتح عليهم الباب ..............................
    حلا انتفضت لمن شافته ...
    وهو لمن شاف جود حس بدقات قلبه سريعه لكن خلاص لمتى بيضل كذا هي تخونه وهو متمسك فيها مو كفايه الي سوته في اخته وكمان لها وجه جايه هنا هذا وهو محذرها قال بجمود : وش جايبك انتي انا وش قـ ........
    قاطعته جود بعد ماقامت من عالسرير واتوجهت لناحيته : مو وقته ..
    لفت على حلا وشافتها ترتجف ودموعها ناشفه على خدها من الخوف ..
    رجعت لفت على نواف وابتسمت بهدوء واشرتله يطلع برى .. طلعت وراه وسكرت الباب بهدوء ..
    جود بشوية قهر :انت وش فيك ماتفهمني وايش الكلام الي قلتلي اياه اليوم وايش مسوي في البنت ..؟؟؟
    نواف : لك بعد عين انتي وش تبين بالضبط انا مو مفهمك اليوم لا عاد اشوف وجهك هنا ..
    جود حست بخنقه وماقدرت تتكلم ........
    نواف رفع اصباعه في وجهها : شوفي ياجود وربي لو عاد اسمع انك تكلمين حلا ولا تـ ............
    جود قاطعته بغصه وعيونها بالأرض خايفه ترفعهم ودموعها تفضحها : نواف وشفيه ؟ فهمني ايش الي غيرك ؟
    نواف حس بدقات قلبه مسمووعه من شكلها البريء والحزين كأنها لوحه مرسوومه باتقان وشفافيه كل الي في قلبها تحكيه حركاتها ونبرة صوتها .. ماقدر يتحمل انه يشوفها منزله عيونها بهالطريقه الي تقطع القلب .. قرب منها بدون مايحس على نفسه ورفع راسها بيده وهو يطالع في عيونها المدمعه بعمق : انا ماتغيرت انتي الي تغيرتي وتغيرتي كثير ..
    جود لفت وجهها ونزلت دمعتها غصب عنها بدون سبب حست بضيقه وقتها ...............
    نواف مسك وجهها الصافي البريء بيدينه الاثنين وقربها لوجهه وقال بجديه : لا تصيحين فهمتتتتي ..
    جود نزلت دموعها اكثر ليه يعاملها كذا . مسكت يدينه الي محايطه وجهها وحاولت تبعده عنها .. قالت بصوت مبحوح : وش فيك فهمني ليه ماتبيني اكلم حلا انا وش مسويه ..
    نواف ارتعش جسمه من لمسة يدينها طالع في عيونها وظل ساااكت ..........
    جود بعصبيه من بين دموعها : انت مو من حقك تحرمني من حلا اذا انت عايفني انا مايهمني بس حلا مستحيل ابعد عنها فااااااهم ..
    نواف >> انا عااايفك ؟؟ انا ياجوود ؟ انا اعوف روحي ولا اعوفك .. بس وييين تفهمين وانتي قلبك مع واحد ثاني << قال بهدوء : جود الله يعافيك اتركينا خلاص مابي حلا تشوفك ولا تكلمك ولا تعرفك بعد اليوم اطلعي من حياتها ..
    جود بصراخ : ليييه انا وش مسويه ؟؟ الي يسمعك يقول اني قاتلتكم احد ..
    نواف عقد حواجبه اول مره يشوفها معصبه ومنفعله كذا : ليه تصارخين طيب ؟
    جود حقدت من جد وملامحها كلها انقلبت لغضب وحقد .. اخذت شنطتها من عالكنبه ولفت ظهرها ونزلت تجري من الدرج ..
    نواف جلس عالكنبه بهدوء وهو يفكر فيها وفي كل شي يربطهم .. في حبه لها وفي خيانتها له وفي الي سمعه وشافه اليوم .. حبيبته خانته واخته نور عينه ماصانت نفسها .. .......؟؟!؟!
    Admin
    Admin
    Admin
    Admin

    المساهمات : 191
    تاريخ التسجيل : 18/12/2008
    العمر : 24

    : بنات اون لاين .... روايه رومنسيه رووووعه و اكثر من رووووعه 18 Empty التكمله

    مُساهمة  Admin في الأربعاء فبراير 04, 2009 4:52 am

    _-_-_ بعد 3 شهور من آخر الأحدآث _-_-_

    يـوم الخميـس .. السـآعه 9:00 المســآء ..

    جوود تصرخ في التلفون عشان ينسمع صوتها من بين الصجه والموسيقى والاغاني الي ماليه البيت : وووووووووينك تاخرتتتتتتتتتتتتتتتي ؟؟
    حلا : ووجع اذني ابييييييييها خلاص الحين جايه
    جود : ونوووف ؟
    حلا : هذا هي معي يلا باي
    جود : يلا طسي ..
    قفلت الخط ورجع دق مره ثانيه : الوووووووو
    فرح : ههههههه شويه شويه ترى لسه قدامنا عمر نحتاج اذانينا
    جود : هلااااااا فرووحه هاا وينكم يالخايسات ولا وحده فيكم وصلت ؟
    فرح : انا عند الباب يافالحه تعاليلي
    جود : زين جايه يلا باي ..
    سكرت وراحت تجري للباب الخارجي .. وقفت بمكاانها وهيا تشوفه يوم عن يوم يزداد حلاه كل يوم ابتسامته تحلو وعيونه تزداد لمعتها .. اتعودت الاسابيع الاخيره تشوفه باستمرار وبكل طلعاتها تقريبا ابتسمت بحياء وهيا مرتبكه من لبسها الي يظهر من جسمها اكتر من مايخفي : هههه كيفك مشعل ..؟
    مشعل حس باحراجها بس طبعا عاجبه الوضع مين مايتمنى يشوف هالملاك قدامه بكل زينتها واناقتها : تماااااااااام بشووفتك ياهبله ..
    جود تمشي من جنبه : اييه زين وخر وين فرررررروحه ..
    مشعل : ماتبطلي عربجه انتي طيب ادينا وجه ياهووووووه
    جود : هههه يلا وينها ؟
    مشعل : دحين جيه شوفيها ..
    جود اتخصرت وقالت بدلع : وانت وش الي جايبك معها ؟
    مشعل كتف يدينه : اممم ايش رايك تبغيها تطير وتجيكي
    جود : هههه طيب خليك برى ليه داخل هنا ترى الدي جيه مو مختلط هااااااااااااااااه ؟
    مشعل : هههههههه عارف بس ايش اسميها دي طرده ؟؟
    جود : لا افاااا حياااك خخخخ
    مشعل : والله ترى ماعندي مشكله ادخل عادي ..
    جود : ههههه ايه عادي والله
    مشعل رفع حاجبه : امك مابتقول شي ؟
    جود : امي مسااافره يلا وينها تاخرت ذي ؟
    مشعل : امم ليه مضايقتك القعده معايا يعني ؟
    جوود : اووف ايه ..
    مشعل : افاااا
    فرح جات من بعيد : هااااي
    جود تضمها بقووه : هايات وحشتيني يالدبه
    فرح : وانتي اكتر ياقلبي كيفك
    جود : بخير انتي اخبارك ؟
    فرح :الحمد الله طيبه ..

    ** خلال هالـ 3 شهور اتطورت علاقة البنات ببعض وقربو من بعض اكثر وقلوبهم ارتاحت لبعض وكل وحده لقت في حضن التانيه الامان الي مالقته بين اهلها << دووم يارب خخخخ **

    فرح : وانتا خير ياسيدي مشعل ماتفارق يالله
    جود : ههه لا خليه يدخل
    فرح : فين يدخل يامجنوونه
    مشعل : ايوا خليني ادخل وي ايش الي حارق رزك انتي
    فرح : لا ياشيخ احللف يلا روح ملاك مع مي لحالهم في البيت وبعدين بطل حركات المراهقين دي واعقل
    مشعل : هههه اوكي مدام كدا يلا نششووفكم على خير
    جود ماتبغاه يروح : لييه خليه والله مالك داعي يافرح
    مشعل ابتسم وقلبه يطربق : معليه اشوفك وقت ثاني ان شاء الله يلا باي
    جود بتافف : باااي
    بعد ماراح ..
    جود تسحب فرح من يدها عشان تدخل لجوه : تدرين انك بايخه
    فرح تغمزلها : ترى ولد خالتي مرتبط وخري عنو
    جود : هههه مو كذا ياهبله بس جد مرره ارتحتله يعني احسه قوود فريند
    فرح ضربتها على رقبتها : قود فرند هااه امشي بس امشي ..
    جود : ههههه يلا
    ولسســه بيدخلــوا الا يجي صوت من ورااهم ... : هااااااااااااااي
    فرح لفت بسرعه وصرخت : نووووفه حبيبتي ..
    نوف تحضنها : كيفك ياهبله مرره اشتقلتلك ..
    فرح : وربي انا اكتر بس عارفه مره انششغلت دي الايام قوليلي كيفك اخبارك ..
    حلا : ياسلااام وانا مالي رب يعني
    فرح تسلم على حلا : ههههه لا ولو انتي الكل في الكل ياقمر كيفكم ؟
    جود جات من ورى حلا وشدة شعرها الي كانت عاملتو آفــرو ومرره يجنن ..
    حلا : اااااااااااااااه
    جود تشد اكثر : تستااهلين اسبوع ياخاينه مااشوف .... وجهك هااا
    حلا : وجع شعري حايسه فيه ساعتين حراام عليك فكيني اااه
    جود فكت شعرها وباستها على خدها بقووه : وحشتيني انتي وخشتك المفلطحه ذي ..
    حلا : ههه وانتي اكثر
    نوف : على قولتهم من الحب ماقتل
    جود تسلم على نووف : وانتي ايش اخبارك يادووبه
    نوف : هههه تماام نحمده
    جود : دووومات يارب يلا تفضلو ليه واقفين

    دخلــوا البنات للبيت الي كان مليـآن ناس وصجــه وقعدو على وحده من الكنبات الحمـرا الكبيره الي في اخـر الصـآله ..

    فرح تدق نووف : هاا قوليلي ايش سويتي ؟
    نوف بطفش تطالع في البنات الي يرقصوا بحماس : في وشو ؟
    فرح تغمزلها : علييينا يلا اماانه ايش سار معاكم ..
    نوف طالعت فيها بملامح بارده : احمد قصدك ؟
    فرح : لاء ابوه ايوا احمد
    نوف : ماصار شي
    فرح : امم تيب ومالمحتيلو حاجه ؟
    نوف : المحله على وشو انتي بعد
    فرح : لا ياشيخه احلفي على بالك هبله انا ماافهم باين انك اححم احم
    نوف لفت عليها وقالت بتحذير وهيا رافعه اصباعها : اقوول فرحووه ..
    فرح : هههههههههه شايفه وربي تحووبيه
    نوف : حبك عقرب ان شاء الله ..
    فرح : ايوا ايوا يختي اتبهللي عليا بس فين بتروحي مني يامجنونه ..
    حلا دقتهم : لا يتناجى اثنان دون الثالث احـــم ..
    نوف تطالع في الصاله الي مليانه بنات : هذولي الجن كلهم وتقولين ثالث ..
    حلا : ههههه ايه بس مره مو معبريني كاني بنت الجيران ..
    فرح : هههه ايوا قوليلي كيفك مع الجامعه ايش عامله ..؟

    وكمــلو هـرووج وضحــك

      الوقت/التاريخ الآن هو الخميس أبريل 18, 2019 11:00 pm